За текот на градежните активности, на објектот од новата градинка во населбата Точила, утре, 12 ти април, среда, ќе биде направен увид од страна на надлежното министерството, односно од Јованка Тренчевска, министерка за труд и социјална политика, како и од Борче Јовчески, градоначалник на општина Прилеп. Според најавата од ресорното министерство по извршениот увид, планирани се изјави за јавноста.
„Ве известуваме дека на ден 12.04.2023 година (среда) со почеток во 12.30 часот ќе биде направен увид на објектот на градинката во Општина Прилеп во населбата Точила ул. „Димче Антулески“од страна на Министерката за труд и социјална политика, Јованка Тренчевска и градоначалникот на Општина Прилеп, Борче Јовчески,“ стои во соопштението за медиуми од Министерството за труд и социјална политика.
Камен темелникот за објектот беше поставен во април 2021 година кога првичното ветување од претходната локална власт беше дека Прилеп за 7 месеци ќе добие нова детска градинка со капацитет за 252 деца. Според првичните најави градинката треба да биде модерен енергетски ефикасен – самоодржлив објект прилагоден на современите стандарди за вакви установи.