Со средства од Министерството за Култура , Завод и Музеј Прилеп го реализираше проектот за обнова на неколку содржини од спомен обележјата кои се наоѓаат на Могилата на непобедените. Станува збор за обнова во целост на патеката и алеата на паднатите борци , сменети се плочите на бистите кои беа оштетени и скршени , сменет е комплетниот изглед на аурите кај криптата со помош на техника на прскарење.Во криптата каде што се имињата на паднатите борци од Прилеп, сите оштетени плочи се сменети , кругот околу тој споменик е среден а Завод и Музеј Прилеп учествуваше и во санацијата на патеката на паркот на револуцијата ( од долниот дел па се до амфитеатарот) , како и во целосно реновирање на амфитеатарот кој го доби својот препознатлив лик и ќе биде одлично место за реализација на различни активности на отворено.
Во тек е и реализацијата на проектот , изработка и леење на петте бисти кои недостасуваат на могилата на непобедените , бисти од народните херои кои својот живот го завршиле по ослободувањето , со што алеата на народните херои во иднина би се збогатила со уште овие бисти кои се во изработка.Тоа се бистите на Вера Ацева , Крсте Црвенкоски , Борко Темелкоски – Лиљако , Ѓоре Дамески – Боксеро и Атанас Забасноски – Руски.