Поради временските прилики и одредени технички-плански доработки, изградбата на насушно потребниот манастирски водовод за манастирот „Трескавец“ стагнира. Со продолжување на активносите ќе се започне со стартото на градежната оператива, рекоа од ЈП ПУП -Прилеп.
Инаку, почетните градежни активности за водоводот започнаа во август 2023 година, каде беше најавено дека за четири месеци водоводот ќе биде изграден.
„Средствата се обезбедени од ТАВ Македонија, во висина од околу 100.000 евра, а со дополнителни 3 милиони денари учествува и Општина Прилеп. Се очекува изградбата да трае 4 месеци.“ истакна тогаш првиот човек на ЈКП Водовод и Канализација, Игор Гулабоски на прес конференција. Ќе остане да се бараат пари за мини пречистителна станица. Без овие зафати не може конаците да бидат ставени во употреба,“ беше истакнато на прес конференцијата.
Инаку, водоводниот систем е еден од условите за новите конаци да добијат технички прием, затоа што и покрај нивната изградба, тие повеќе од три година години не можат да примат посетители. Манастирот „Трескавец“ датира од 13-от век и е дел од националното културно наследство. Во 2013-та година на 04 февруари, беше зафатен од силен пожар, кој до темел ги пеплоса конаците. Огнената стихија ја одмина само манастирската црква „Успение на Пресвета Богородица“, а која претходно, со децении се распаѓаше. После пожарот, напоредно со возобновувањето на конаците, се пристапи и кон нејзината конзервација која е сеуште е во тек.