„Prilep OUTLET Weekend“ станува нова бренд манифестација на Прилеп. Убавата прилепска чаршија исполента со квалитетни производи, со прикладни цени и забава на секој чекор, со максимална вклученост на сите трговци и угостители, преку одлична организација на Оптшина Прилеп, создаде, третиот по ред „OUTLET Weekend“ да привлече посетители и од другите градови на Македонија, кои уживаа во шопинг турата во градот под Марковите кули.
Настанот, кој поради денот Свети Валентајн го носеше името “Valentine Outlet Weekend, започан на 14-ти февруари, а кулминираше последниот ден, 17ти февруари, кога во прилепската чаршија “вриеше како во кошница“ од посетители. Прилепските дуќанџии и угостители на своите излози имаа постер со заштитното лого од настанот, за купувачите да знаат каде можат да пазарат во овие денови со попуст, а посетителите уживаа и во добрата организација надополнета со музика, забава за деца и греано вино!
На социјалните мрежи, и трговците, и купувачите не го сокрија своето огромно задоволство од настанот:
„Одличен настан. Секој ден се’ подобро, за да последниот ден го достигне зенитот на успехот. Чаршијата денеска особено беше жива, со насмеани лица, задоволни и среќни купувачи, вриеше од народ!“ напиша еден од трговците и упати честитки за одличната организација.
“Благодарност за организираниот настан. Навистина се’ поместивме од мртва точка. Во иднина уште подобро и помасовно да организираме вакви шопинг настани “- напиша задоволен угостител
„Дојдовме од Кичево за „Prilep OUTLET Weekend“. Слушнавме за настанот од радио и не зажаливме што сме тука,во Прилеп. Набавивме квалитетни производи, по солидни цени и уживавме во прилепското кафе и забавата во прилепската чаршија„- рече воодушевен посетител на Прилеп
Шопинг настанот “Prilep OUTLET Weekend“ кој се одржа од 14 до 17 февруари, го посетија над 5000 посетители, од Прилеп и од другите градови, а сите ужуваа во шопингот, ниските цени и во одличната забава за сите генерации.
Шопинг настанот „Prilep OUTLET Weekend“ е во организација на Општина Прилеп и Прилепската чаршија. Настанот започна минатата година и овој пат, се одржа по трет пат, но веќе станува препознатлива, интересна манифестација во регионот.