Во Прилеп се регистрирани 62.082 граѓани со право на глас кои в среда ќе можат да гласаат на едно од 142-те избирачки места. Своето право на глас на претседателските избори утре 23.04 во Прилеп ќе го остварат болните, изнемоштените лица и затворениците. Во своите домови утре ќе гласаат 291 болно и изнемоштено лице, а во Домот за стари и изнемоштени лица „Киро Крстески Платник“ ќе гласаат 68 штитеници од повеќе градови. Во прилепскиот затвор своето право на глас ќе го остварат 104 затвореници.
Во општина Кривогаштани регистрирани 4 428 избирачи кои в среда на првиот круг од претседателските избори своето право на глас ќе можат да го остварат на едно од 13-те избирачки места. Утре своето право на глас ќе може да го остварат 56 болни и изнемоштени лица.