Веќе полека почна да станува традиција емитувањето на филм за деца, секоја сабота напладне во единственото прилепско кино Мис Стон кое работи во рамки на Центарот за култура „Марко Цепенков“
Утре (14 декември) од 12. часот, ќе биде прикажан филмот за деца „Божиќна магија на животните“ кој е наменет за цела публика, а особено се препорачува за деца на возраст од 3 до 7 години.
Волшебни приказни се расплетуваат во „Божикната магија на животните“, каде празничните чуда оживуваат. Нурнете во овие прекрасни и модерни сказни во кои животните тргнуваат на магични патувања од Франција до Јапонија, до Далечниот север и неговата поларна светлина, ширејќи радост и великодушност. Секоја приказна е чудна и шармантна авантура зачинета со хумор и убавина специфична за зимската сезона. Дозволете поезијата да ви го плени срцето и да ве пренесе во свет каде божиќната магија нема граници.
„Божикната магија на животните“ премиера имаше на најпрестижниот фестивал за анимиран филм во светот, „Анеси” во Франција.
Влезници на билетарницата можат да се купат од киното денес до 12 часот или еден час пред почеток на проекцијата.