АНКЕТА 13 Величествени

Прилепска Пивара - 100 години

За професионален напредок како најуспешна компанија со долгогодишна традиција и за нејзиниот придонес во развојот на локалната економија и препознатливост на градот.

Ахил Јаков - за менаџирање со ООУ Климент Охридски

Човекот кој го води ООУ Климент Охридски создаде училиште во кое секое дете сака да учи. Ахил Јаков, вели „Нашето училиште не е само образовен центар, туку и вистинска оаза на инспирација, каде што секој чекор е посветен на зачувување на околината и промоција на зелени вредности“.

20 години општествено одговорна компанија „Комфи Ангел“

Прослави 20 години од своето успешно работење. Поддржувач на спортот и спонзор на РК Прилеп, грижа за животната средина, безброј акции за собирање на стари перници, јоргани и постелнини кои се рециклирани и претворени во нови, еко производи

Марина Тодороска  - граѓански активист

Проектот за помош на старите лица, каде едуцирани волонтери успешно ги посетуваат и им помагаат на старите лица во нивниот дом, стана препознатлив систем за заштита на старите лица.

Авто Контрол - станица за технички преглед

10 години во улога на одговорност и едукација за безбедност во сообраќајот. Со организирани голем број кампањи за сообраќајна култура, со акцент на младата популација, подджувач на културни и спортски манифестации, едукации за важноста од сервисирано и безбедно возило, грижата на возилото е секогаш нивен приоритет

Спас за Прилеп -   неформална група на еко борци

Неуморно се борат за заштита на водните ресурси и природната средина на Плетвар против експлоатацијата на минералните и рударските ресурси на ова подрачје кои го прват одредени компании, како и за заштита на македонските културни наследства меѓу кои и локалитетот „Каракамен“ (Прилепско)

Љупчо Петрески  - протоереј

За развивање на културно - уметничкиот живот во духовниот храм Св.Петка -Точила и поттикнување на духовните вредности. Организатор на бројни музички настани кои беа поттик за духовните и традиционалните вредности, организирање на ликовни и литературни натпреварувања за деца - ученици за време на христијанските празниците, за поддржување на семејните вредности и развивање на креативен потенцијал кај децата.

ТППЕ Прилеп - за спречување на еколошка катастрофа

Тоа се екипа за почит, која успеа да ги победи огнените јазици и да ја спречи поголема еколошка катастрофа во мариовската област, воедно да спаси голем број на имоти и манастирски комплекси кои беа под закана од шумскиот пожар.

„Слободно театарче“ - аматерска драмска секција при СОУ „Ѓорче Петров“

За подигнување на јавната свест за борба против трговија со луѓе ја креираа и ја изведоа драмата “Маѓепсан круг“ која говори за трговијата со луѓе, отсликувајќи ја сиромаштијата и малолетничките бракови како форма на трговија со деца.

„Керамија“ женски камерен хор

Единствени во Прилеп, една од најпрепознатливите хорови,  најнаградуван на домашни и меѓународни фестивали за хорско пеење. Репертоарот на "Керамија" е вистински музички мозаик, спој на духовни композиции, поп музика, англиски хитови и македонски староградски песни.

Зоран Игески - спортски новинар

Тој е единствениот спортски новинар во Прилеп и единствениот хроничар за сите спортски настани во Прилеп. Во неговиот спортски бележник се резултатите, достигнувањата и успесите на сите спортски клубови во Општина Прилеп, вклучително и населените места и без неговото новинарско перо нема да постои „спортска арихива“, бидејќи тој е единствениот кој ги посетува главно сите спортски случувања во градот.

Филип Николоски - пејач.

Момче кое со својот прекрасен ангелски глас  и одлични музички вештини ја сплотува публиката секаде каде што настапува градејќи мост на љубов.  Има три свои песни. Но со песната насловена „Само за добро нека е“, која ја промовираше годинава со одличен спот, сега ја препеа групата Меморија и со токму таа песна тој настапи заедно со нив на сцената на нивниот концерт, по повод 40 години постоење на бендот.

Мирјана Ѓорѓиевска - планинар

Првата Македонка која се искачи на Хималаите,  (врвот Исланд Пик 6.189 м. ), 2024 г. Таа е  афирматор на жената во планинските спортови како животен стил  и е поборник за позитивни промени во заедницата. Таа е жена авантурист која ги сака предизвиците и во секое освојување на планината гледа убавина.