Во Воздухопловниот клуб Фил Феникс се исклучително задоволни оствареното во 2024 година. Организираа светски купови: Светски куп натпревар во слободни летачки модели; Светски куп натпревар во летање со дронови и новата категорија– Летање со собни модели, исклучително атрактивна, допадлива и многу пристапна за деца. Фил Феникс организираше Светското првенство во јуниори кое што беше исклучително добро оценето од страна на Меѓународната федерација.
„
За нас што беше најважно беа резултатите на нашите спортисти. Тие беа исклучителни од два аспекти: прво од настапот на домашните државните натпревари, а после пласманот во финалната листа во на ФАИ ранг листата. Врвни резултати од страна на нашите членови на натпревари од светските куп натпревари во организација на ФАИ. Пред се’ врвниот пласман во генералната листа од Светскиот куп во ФАИ која што на крај ни донесе голема радост на сите со пласманот на второ место на нашиот Лука Најдоски во јуниорска конкуренција,“ вели Здравко Тодороски, директор на Фил Феникс. Овие натпревари се тешки, но мора да се учествува да се добијат потребниот број на бодови. Лука (16 години) учествуваше на бројни натпревари во Европа. Учеството на Светското првенство за јуниори од нашите спортисти беше одлично оценето и посебно тука Лука Најдоски беше најдобро пласиран. Тој беше на 14 место што во однос на конкуренцијата која што имаше на ова Светско првенство претставува голем успех,“ посочува Тодороски.
Скромниот 16 годишен Лука сака да биде пилот. Тој учи во Средното воздухопловно училиште во Белград. Успева да одговори на сите спортски предизвици, да учествува на големи европски и светски натпревари во слободно летачки модели и да постигнува врвни резултати. Посакува медалји, верува во себе, поттикнат од поддршката на семејството и клубот Фил Феникс.
„ Учествував на многу натпревари од светските купови, каде на седум од нив освоив први места во слободнолетечки модели Ф1А (едрилици). Настапив во Бугарија, Србија, Романија, Словачка… Следната цел ми е да бидам со висок пласман на Европското јуниорско првенство во Романија – вели Лука Најдоски, спортски наследник на својот татко Станислав.
Покрај Лука и Анастасија од Фил Феникс постигна одлични резултати во репрезентацијата на Македонија. Таа учествуваше на Европското првенство во Романија во женска конкуренција.
„Со малку повеќе среќа ќе имаше можности за повеќе посебно за Анастасија Пожарска која што за мал број на бодови не успеа да дојде до третото место во женска конкуренција. Можеби тоа ќе биде предизвик за Анастасија да продолжи понатаму и да се потруди да дојде до медал во сениорска конкуренција,“ вели Тодороски.
Пред Воздухопловниот клуб Фил Феникс се нови предизвици во 2025 година, како што е организација на светски купови и учество на светски и европски првенства, но и одбележување на јубилејот – 25 години од постоењето.
„Оваа година нашиот клуб ќе има организација на неколку натпревари од Светскиот куп: тука е Прилеп Куп Трофеј на Прилеп и Македонија Куп, натпревари во слободно летачки модели; одиме повторно со собни модели еден Светски куп; исто така традиционално продолжуваме со организација на Светскиот куп на летање со дронови. Што е за нас најважно секако ќе биде предизвик учеството на домашните натпревари, односно Државното првенство во слободно летачки модели пред се’. Тоа претставува основа за избор и пласман во репрезентација,“ потенцира Тодороски.
Спортистите на Фил Феникс ги очекуваат настапи во Светскиот куп, на Европското јуниорско првенство во Романија каде ќе учестуваат тројца претставници од Прилеп. Очекуваат да постигнат подобри резултати на Европското првенство од сите тројца претставници, а особено од Лука Најдоски како лидер на тимот.