Синоќа, со свечено доделување на наградите и со претставата „Вистината“ во изведба на НУ Театар Комедија од Скопје, заврши педесет и деветото издание на најзначајниот театарски фестивал во Македонија, „Војдан Чернодрински“.
Да потсетиме, фестивалот започна на 6 јуни, беа изведени вкупно 14 претстави, од кои 9 беа во официјалната конкуренција. Екипата на Радио Пела, кое е еден од медумските поддржувачи на фестивалот, неуморно ја следеше атмосферара од сите случувања на фестивалот, како отворањето, претставите, изложбите, поставките, детската зона, тркалезните маси, забавата, промоциите и секако затворањето. Разговаравме и со организаторите, но и со актерите, режисерите, волонтерите и граѓаните.
Во нашата репортажа од затворањето на фестивалот, пренесуваме како изгледаше и на сцената, но и околу неа, разговаравме со доајенката на МНТ, Снежана Коневска Руси која целосно ги проследи сите програмски содржини на фестивалот, со наградената актерка Слаѓана Вујошевиќ, со директорот на Турскиот театар, Осман Али, но и со неколку наши сограѓани. Погледнете!
Филип Димкоски
Техничка реализација: Никола Димески
Продукција: Радио Пела, јуни, 2025