Деновиве се појави новото музичко остварување на најпопуларните блузери од Прилеп – CROSSROAD BLUES BAND кое носи наслов “Мораше баш сега” и веднаш го привлече вниманието на публиката. Песната нема да ве остави рамнодушни, а бендот, во свој стил, повторно ја раздвижи македонската музичка сцена и не ја остави рамнодушна на нивниот музички израз.
Ова музичко парче претставува уште една потврда за креативниот и музички зрел израз на Crossroad Blues Band Reloaded, бенд кој доследно внесува свежина на македонската музичка сцена.
Новата авторска песна и видео спот за само неколку дена од нејзиното појавување, веќе привлекува големо внимание, бележејќи растечки број на прегледи на социјалните мрежи, што е потврда за одличниот звук и текст. „Мораше баш сега” е певлива и емоционално разбирлива приказна, која говори за љубовта што се враќа кога не веруваш во тоа, но и за тежината на спомените што не престануваат да прогонуваат, кога во прашање е љубовата.
Текстот е дело на гитаристот во бендот Бранко Нешкоски, а музиката е на Давид Нешкоски кој е и лид вокал. Интересно е тоа што бендот сам си направил аранжман, аудио и видео продукција, обликувајќи го секој нејзин дел.
Во Песната “Мораше баш сега” со своите квалитетни изведби се вклучени и другите членови на бендот: тапанарот Зоран Настески, бас гитаристот Љупчо Шилоски и вокалите Викторија Георгиоска и Александра Трајческа.