Професорот Игор Николоски, долгогодишен кадар во нижото основно музичко училиште „Ордан Михајлоски-Оцка“, е именуван за нов заменик градоначалник на Општина Прилеп.
Николоски е добро познат на прилепската јавност не само по својата богата педагошка кариера, туку и по неговото повеќегодишно активно учество во работењето на Советот на Општина Прилеп. Во Советот, како советник, тој континуирано ги застапува интересите на граѓаните и придонесува во носењето на локалните политики.
Со назначувањето на новата функција, Општина Прилеп добива заменик градоначалник со долгогодишно професионално искуство, силна врска со локалната заедница и изразена посветеност на образованието и јавниот интерес.