Учениците се вратија во клупите, но не се знае дали ќе се одработуваат двата дена. Околу 270.000 средношколци и основци, меѓу кои и 20.000 првачиња, утрово се вратија на настава за второто полугодие од учебната 2018/2019 година. Тринеделниот распуст беше пролонгиран со дополнителни два дена одмор на основците и средношколците – од загадениот воздух.
Итната мерка за уште два дена распуст, Владата и МОН ја донесоа во неделата попладне. Вчера, мерката беше стопирана бидејќи концентрациите на ПМ10 честичките се под дефинираниот праг на алармирање.
Според заменик-министерот за образование и наука Петар Атанасов до понеделник ќе се знае – дали двата дена ќе се одработуваат и до понеделник ќе ги извести сите општини и училишта.
Започна II полугодие, дали ќе се одработуваат двата дена?
