1.1 C
Прилеп
сабота, 8 февруари, 2025
Пела Радио

Прилепските културни работници штрајкуваат – Работиме во недостојни услови!

Над 60 работници во областа на културата денеска штрајкуваат во Центарот за култура Марко Цепенков и театарот „Војдан Чернодрински“. Вработените во Прилеп беа на своите работни места, но не ги извршуваа обврските, така што се откажани две театарски претстави и концерт. Предупредувачкиот еднодневен штрајк, го најави Синдикатот на културни работници на Република Македонија.
– Целта на штрајкот не се сведува првенствено само на покачување на плати, иако и тој сегмент од нашата борба е многу важаен, туку се работи за нешто многу поважно, а тоа е уредување на работните односи, каде владее тотален хаос веќе 15 години. Приоритет на СКРМ е да се уредат работните односи на една стабилна основа која ќе ја даде овој пишан документ за кој се залагаме и кој ќе овозможи понатаму да се реши секој проблем во културата врз база на него. Културата е првото нешто што ја претставува една држава низ светот и од нас се бара највисока професионалност во извршување на задачите, а за жал тоа не го добиваме од Министерството за култура. Работиме во недостојни услови, вели Ана Митоска,  музичар, претседател на Синдикатот на културни работници при НУЦК Марко Цепенков Прилеп.
И работниците во прилепскиот театар се приклучуваат кон штрајкот, за како што рекоа да го добијат вистинското место во општеството.
Синдикатот на културни работници на Македонија има поддршка и од Синдикатот за образование, наука и култура (СОНК),. кој донесе одлука да солидаризира зашто културата е дејност од национален интерес.
Од СКРМ потенцираат доколку предупредувачкиот штрајк не вроди со плод, тие ќе го радикализираат со генерален штрајк додека не се потпише колективен договор.

Би можело да ве интересира

МИКРОСАМ- 30 години генијалност во решенија за производство на современи композити

Елизабета Филипоска

Денеска 9 новозаболени.Ќе стане ли Инфективното одделение претесно за заболените од КОВИД 19 ?!

Елизабета Филипоска

(ВИДЕО) Се’ е подготвено за Бадниковите поворки

Порталот ПелаМК користи колачиња за да го подобри вашето искуство. Можете да се откажете во секое време. Прифаќам Повеќе