Во Лозана, Швајцарија се одржуваат третите Зимски младински Олимписки игри кои започнаа од 9 ти, а ќе завршат на 22. јануари. Македонија ја претставуваат петмина спортисти.
Денеска настапија двајца натпреварувачи. Младата скијачка прилепчанката Михаела Даноска во својот прв настап на игрите, на трката во Крос кантри – крос слободно го освои 74-то место (во конкуренција на 80 млади спортисти).
Додека пак, Андонаки Костоски во својот прв настап на игрите, на трката во Крос кантри – крос слободно го освои 84-то место (во конкуренција на 85 млади спортисти).
Претходно, македонскиот скијач Мирко Лазаревски претходно заврши на 40-то место во слалом.Тоа беше втора трка за скијачот, додека во дисциплината веле-слалом, заврши како 56-то пласиран.
Тренерскиот тим го сочинуваат Борче Јованоски и Антонио Ристевски, а предводник на експедицијата е новиот потпретседател на МОК и претседател на КФСМ, Перо Антиќ.