СОУ „Орде Чопела“ летниот распуст на учениците ќе го искористи за подобрување на условите во училиштето. Училиштето, од Програмата на Министерството за образование и наука за реконструкција на средните училишта, веќе има одобрено средства за реконструкција на санитарните јазли, кои моментно се во лоша состојба. При посета на заменик министерката за образование и наука, Елизабета Наумовска во Прилеп, директорката на училиштето, Анета Пејоска, обајасни дека со средства во висина од 2.460.000,00 денари, ќе се изврши комплетна реконструкција на санитарните јазли во ова училиште .
„Јавната набавка е завршена, потпишан е договорот со изведувачот, што значи дека новата учебна година СОУ „Орде Чопела“ ќе ја дочека со целосно реконструирани тоалети“-рече таа при денешната средба со Наумовска и градоначалникот на Прилеп, Илија Јованоски.
Заменик министерката Наумовска и градоначалникот Јованоски оставрија средба и со директорите на прилепските основни и средни училишта.