Нова донација од заштитни маски од турската компанија Алим пристигна во Крушево. Се работи за нови 35 пакети од маски со околу 80 000 маски.
Ова е втора донација од заштитни маски за општина Крушево, а како и минатата донација маските ќе се распределат и на општина Долнени.
Во текот на вчерашниот ден од Советот на општина Крушево излегоа со апел за строго почитување на мерките и препораките во насока на спречување на ширењето на коронавирусот.
„Битката со коронавирусот се уште не е завршена и секојдневно се забележуваат нови случаи на Ковид 19. За состојбата со вирусот сме сите заедно одговорни и затоа уште еднаш апелираме на строго почитување на мерките и препораките.Вакцинација на здравствените работници започна и во Крушево, но паралелно со тој процес наша должност е да носиме маска, не се групираме и се дезинфицираме.“, стои во соопштението на Советот.