Во Тетово на 17 Април во организација на боксерскиот клуб Шкендија Но Лимит ќе се одржи професионална боксерска ревија. На боксерскиот спектакл наречен “Night of the chanmpions” ќе има 6 професионални борби од кои две со македонски боксери. Лулзим Исмаили во супер велтер ќе се бори во 10 рунди против Јасмин Данановиќ од БиХ за Евроазиска титула во верзијата W.B.F .Трајче Илиоски во супер велтер категорија ќе дебитира против Рамиз Џафиќ од БиХ во 4 рунди.
![](https://radiopela.mk/wp-content/uploads/2021/04/168446375_866947907218121_1995716919974515240_n-1.jpg)
Можам да кажам дека Трајче Илиоски е во одлична форма. Се спремаме веќе 8 месеци со програмски тренинг. Ќе одиме на победа , првата борба во профи рингот е многу битна . Целта ни е Трајче да победи па потоа ќе размислуваме и за втора професионална борба , вели Дарко Чатлески од ПроБокс Македонија.
![](https://radiopela.mk/wp-content/uploads/2021/04/168319981_286131706461970_3079308144596088709_n.jpg)
![](https://radiopela.mk/wp-content/uploads/2021/04/168492240_901190240719867_6759664526420860387_n.jpg)
Инаку сите шест професионални борби ќе се одржат без публика а од настанот организаторот ќе реализира live stream , па така сите заинтересирани ќе можат да го погледнат и дебитантскиот настап на прилепчанецот Трајче Илиоски. Му посакуваме деби победа на Трајче Machine.