Во фоајето од ЦК „Марко Цепенков“ на 9 декември, в четврток од 13 часот ќе се реализира манифестацијата „Унгарски културен мозаик“. Посетителите ќе можат да се запознаат со изложба од 20 дела од Унгарците кои живеат во Македонија, како и со настап на музичари. Воедно ќе има и промоција на унгарски национални десерти. Манифестацијата е дел од активностите на Унгарското Здружение во Македонија Теледом и Амбасадата на Унгарија, со кои Центарот има долгогодишна соработка.
Проектот е поддржан од Агенцијата за остварувања на правата на заедниците во Македонија.