Синдикатот за образование, наука и култура го става штрајкот во мирување. Причина за ваквата одлука на СОНК, било добиеното известување од Министерството за труд и социјална политика за мирно решавање на работните спорови.
Сепак од СОНК велат дека штрајкот повторно ќе биде активиран доколку не се најде соодветно решение и доколку не се усогласат барањата со Министерството за образование и наука. Првиот човек на СОНК додаде дека очекува дневниците за време на штрајкот дека нема да бидат скратени и изрази надеж дека платите ќе бидат зголемени, а колективните договори ќе бидат потпишани и утврдени со рокови.
Штрајкот започна на 11-ти април. Барањата на СОНК се зголемување на платите за 18,5% односно нивно усогласување со минималната плата која од март се зголеми на 18.000 денари и дополнително минималната плата да биде основица со која ќе се множат коефициентите на сложеност на работни места.
Владата им понуди 12 % повисоки плати.