Од утре нема одење во шума. Високите температури и опасноста од пожари го вклучија алармот во Национални шуми, па воведуваат забрана за движење. Таа ќе трае од од шест наутро до осум навечер. Оние кои нема да ја почитуваат и ќе бидат затекнати во шума, ќе бидат казнети. Глобата се движи од 1.500 до 2 илјади евра.
Движењето ќе биде дозволено единствено со писмено одобрение издадено од подружниците на ЈП „Национални шуми“.-информираат од Центарот за управување ос кризи.
Оваа забрана за движење во шумите и шумското земјиште не важи за Министерството за внатрешни работи, Шумската полиција, Центарот за управување со кризи, Дирекцијата за заштита и спасување, Државниот инспекторат за шумарство и ловство, ЈП „Национални шуми“, субјектите што вршат шумскостопански активности, сеча, дотур и транспорт на дрво и дрвни сортименти, стручните служби на концесионерите на дивечот во ловиштата и лица коишто имаат писмено одобрени за движење во шумите.
Од Национални шуми велат, забраната ќе важи се до проценката дека е намален ризокот од појава на пожари. Лани, ваква забрана беше донесена во август, откако избија повеќе пожари ширум држава.