На Градски утре “премиера” на Победа

На градскиот стадион ,,Гоце Делчев” утре, среда, 27 јули, од 17.30 часот, фудбалерите на Победа ќе одиграат “премиера” – меѓународен пријателски натпревар со албанскиот прволигаш Егнатиа од Рогожине. Тоа ќе биде можност фудбалската јавност да се запознаат со прволигашката Победа, комплетната екипа, а можеби и да се насети квалитетот на расположливиот состав, да се претстави досега сработеното на стручниот штаб. Остануваат уште 10 дена од подготовките на пред стартот на новата сезона на Првата лига. Влезот за гледачите за утрешниот меч ќе биде слободен.  Ова е прва  контролна  средба на домашен терен и сигурно дека ќе предизвика голем интерес. Останува уште еден контролен меч во Струмица со Академија Пандев кој црвено белите ќе го играат во Струмица.