Прилепчани после подолго време навистина се нагостија со прволигашки фудбал.Сега дали се или не се задоволни од прикажаното на дербито во најквалитетното друштво кај нас , тоа ќе покаже во наредните натпревари кога повторно Победа ќе биде домаќин на градски.Но едно е јасно публиката си го сака својот клуб , си ја сака Победа од дното на душата.Зошто?.. Е па затоа што нема поубаво чувство од тоа да ги гледаш фудбалерите на Победа на преполните трибини на градскиот стадион.И, да вчерашната пресметка на Победа и Тиквеш ги разнежни срцата , ги развика грлата,ги отвори дланките кај прилепската публика.Прилепската публика е најфудбалска, најгласна , најдобра.
Крајниот епилог не беше поволен за домаќините и за публиката која не прекинато скандираше и ги бодреше своите пулени но секако дека на крајот впечатокот е одличен.Повторно река од луѓе се упатуваат на стадион , повторно и старо и младо од ” неделна семејна трпеза” па на фудбал, повторно препознатливите зборови кај навивачите кои малку ќе закаснат ” еј нема место на малава одиме на големата трибина”
Ова е само почеток на една сезона која отвора нова фудбалска приказна за Победа и стартот не ги задоволува вкусовите на прилепчани кои го познаваат фудбалот и искрено ја сакаат магијата на бубамарата.Но мора да кажеме дека како и да заврши вчерашната пресметка таа сепак си остави силен впечаток кога станува збор и за навивачите.Фудбалски, како и секогаш со многу аплаузи и емоција за своите црвенонбели.Прилепе ти си најфудбалскиот град а допрва треба да го видат тоа сите низ директните преноси на тв.