Веќе втор ден голем дел од градот Крушево е без вода, по невремето кое што ја зафати општината во неделата. По прекинот во водоснабдувањето во текот на ноќта, прекин на водоснабдувањето ќе има и денеска од 10 часот, па се до 16 часот на следните делови од градот: центарот на Крушево, улиците Нико Доага, Коча Миленку, Партизанска, Питу Гули и Манчу Матак.
Како што информираат од ЈКП Комуна Крушево и Општина Крушево станува збор за голем дефект на пумпната станица во Норово, каде екипи на јавното комунално претпријатие втор ден работат на отстранување проблемот по невремето пропратено со грмотевици.