Годинава е 16 та од последниот концерт на Тоше Проески одржан во Скопје на Градскиот стадион. На 5ти октомври на Платото пред Спомен куќата на Тоше во Крушево повторно ќе се потсетиме и заедно ќе ги пееме неговите песни кои оставија траен белег во македонската и балканската музичка сцена. Концертот е закажан со почеток во 19 часот, а неговите пријатели, музичари, пејачи, фанови, почитувачи, сограѓани ќе се потсетат на неговите безвремени хитови.
Ќе настапат: Александра Јанева, Димитар Андоновски, Славица Ангелова, Мите Стоилков, Александра Трајческа, Никола Зацески, Зоран Илиев,Инвиктус Бенд, и балканските ѕвезди Бојан Маровиќ и групата Фрајле.
Концертот се одржува со поддршка на Општина Крушево, Спомен куќата Тодор Проески, Министерството за култура и неколку општествено одговорни компании.
„Нашиот Тоше живее во секоја насмевка, во човештината на која не учеше, на големината на љубовта да дадеш премногу и кога немаш… Означуваме 16 тажни и тешки години од последниот одржан концерт во Скопје без нашиот најпознат пејач на сите времиња,“ посочи градоначалникот на Крушево Томе Христоски најавувајќи го концертот.
