Прилепчанката Катерина Милеска која е селектор на македонската женска фудбалска репрезентација до 17 години го објави списокот на фудбалерки кои ќе настапат на европските квалификации во рамките на првата рунда од Б – Лигата.Меѓу повиканите се и три фудбалерки од прилепскиот клуб Цевитана, Јована Каралиоска (среден ред) , Ана Боризоска (напад) и Надица Трендова (среден ред).
Македонската женска селекција во периодот од 3 до 10 октомври ќе учествува на квалификацискиот турнир во групата Б1 и за противници ќе ги има репрезентациите на Грузија ,Ерменија и Косово.Квалификацискиот турнир за пласман во Лигата А ќе се одржи во Косово. На самиот старт на квалификацискиот турнир отвораме со Грузија. Натпреварот ќе се одигра на 3 октомври. Во рамките на второто коло играме против Ерменија. Натпреварот на програмата е на 6 октомври. Три дена подоцна, во последното коло, силите ќе ги одмери против домаќинот, селекцијата на Косово.За овие квалификација селекторот Милеска интензивно работи со своите избранички а на тренинзите присуствува и екс селекторот на женската репрезентација на САД , Влатко Андоновски кој е ментор на нашиот селектор Катерина Милеска.