Претставници на здружението за производство на сончоглед во најголем број од реонот на Пелагонија на денешната средба со нивниот откупувач велешка АД „Кристал 1923“ се договорија и побараа од Владата поради годинашната суша која за повеќе пати им го намали родот, како и намалената окупна цена, да им помогне преку Интервентниот фонд да добијат дополнителни средства по 6-7 денари од килограм произведен и предаден сончоглед,
Извршниот директор на фабриката Горанчо Лазов од свое и име на земјоделците, од Владата побара ДДВ за сончоглед од 10 отсто повторно да биде како досега на 5 проценти. Тие потенцираат дека сончогледот не е луксузен производ туку суровина за производство на сурово масло, кое е од стратешки интерес за земјава.
-Затоа воведувањето на 10 отсто ДДВ на сончогледот е директен удар за фабриката и земјоделците бидејќи ниту сончогледот е луксуз ниту има потреба да се воведе 10 отсто ДДВ на сончоглед, затоа што ДДВ на суровото масло е 5 проценти. Нема никаква логика ДДВ на суровината да биде 10 отсто, кога на суровото масло кое го добиваме ДДВ е 5 отсто, потенцира Лазов и побара Владата да ја преиспита одлуката. Според него, овој проблем дирекно го загрозува откупот на сончоглед, а тие како единствен откупувач во земјава, и како фабрика веќе 6-7 години прават големи напори да го вратат сончогледот на македонските полиња. Лани фабриката „Кристал 1923“ откупила 9.800 тони сончоглед, а годинава поради сушата и намалениот род само 3.800 тони. Ако лани цената била 35, а годинава 20,50 денари за килограм. Според Лазов компанијата не може да плати повисока цена на земјоделците. Конкуренцијата била голема така што цената во соседството, на пример во Србија е околу 320 евра, а тие на производителите на сончоглед им исплатите 333 евра.
И земјоделците во најголем дел од Пелагонија побараа од Владата да им излезе во пресрет и да им доплати по 6-7 денари за произведен килограм сончоглед, а со цел и догодина да ја засејат оваа индустриска култура која е сурвина за масло за јадење и од стретешки интерес за земјава.
Миле Ќебакоски, производител на сончоглед од прилепскиот регион на Пелагонија информира дека по барање на нивното здружение дошле кај нивниот откупувач да се договорат и да упатат заеднички барања до Владата
-Минатата година цената беше 35 денари за килограм, а годинава 20,50, тоа покажува дека е драстично намалена. Поради рентабилност на фабриката цената е таа, а во опкружувањето цената е приближна, затоа бараме преку ресорното МЗШВ, преку Интервентниот фонд да добиеме помош по 6-7 денари по килограм. Инаку споредено со лани состојбата е катастрофална и по приносите и по однос на цената, рече Ќебакоски.
Тој произведува сончоглед на површина од 50 хектари, лани остварил принос од 1700, а годинава од 1200 килограми по хектар и е еден од земјоделците кои и покрај сушата сепак успеал да оствари поголем принос. Земјоделците посочуваат дека ако Владата не им помогне, догодина нема да засејат сончоглед.
Извор: (МИА)