Понеделник, 21 ви јули, на територијата на Општина Прилеп, екипа на Центарот за јавно здравје-Скопје, ќе спроведува првата фаза од ларвицидна теристичка (од земја) дезинсекција со цел уништување на ларвените форми на комарци:
„Со дезинсекцијата ќе бидат опфатени водени површини т.е места каде има идеални услови за раст, развој и размножување на комарците како што се фонтани, мини езерца, одводни канали, блата и мочуришта, делови по течението на Градска река, делови од Дабички канал, Селечка река, област Маркова чешма, област Поводеници, Вештачко езеро, Волковски езерца, област Ѓумушица, Сарика, како и водени површини во населените места Ѓумушица, Сарика, Беровци, Кадино Село, Галичани, Чепигово, Тројкрсти, Славеј, Мало и Големо Коњари.
Во случај на појава на неповолни временски услови (ветер и дожд) дезинсекцијата се одложува за следниот поволен ден,“ стои во известувањето од Центар за јавно здравје Прилеп.