РК Прилеп денеска, од 19 часот во СОУ „Ристе Ристески Ричко“ го пречекува тимот на РК Пролет. Натпреварот е дерби на колото во Македонската супер лига и се очекува голема борба бидејќи и двете екипи се во игра за пласман во плеј-оф фазата. Пролет со победа над Прилеп ќе ги зголеми шансите за место меѓу најдобрите четири екипи во групата Б.
За избраниците на Божидар Мојсов денешниот дуел со скопскиот тим ќе биде „се или ништо“. Прилепчани со победа ќе се вратат во игра за плеј-офот, но доколку бидат поразени, тогаш ќе ги загубат сите шанси за 4. позиција на табелата.