Вчера во ОВР Прилеп било пријавено дека на улицата „Леце Котески” во Прилеп, во куќа сопственост на 48-годишниот Д.А. од Прилеп настанал пожар, при што со телесни повреди- изгореници се здобиле две деца. Според информациите од Министерството за внатрешни работи (МВР), децата биле сами во една од просториите кога избувнал пожарот.
Пожарот бил изгаснат од страна на Територијалната против пожарна единица Прилеп, а увидот го извршила увидната екипа на ОВР Прилеп.
Причините за пожарот се истражуваат, а повредените деца се под медицинска нега.