Прилеп ќе гради Центар за дневен престој за стари лица за активно стареење. Тоа ќе преставува современ простор кој ќе овозможи социјална интеграција, дневна грижа, дружење и активности за унапредување на менталното и физичкото здравје на возрасната категорија граѓани во Општина Прилеп.
Договорот за градење Дневен центар за стари лица со активно стареење , како дел од Проектот за подобрување на социјалните услуги, поддржан од Светската банка и спроведен преку Министерството за социјална политика, демографија и млади, го потпиша градоначалникот на општина Прилеп Борче Јовчески.
„Овој значаен проект претставува уште еден чекор напред во нашата заложба за градење на инклузивна и одржлива локална социјална заштита, насочена кон реалните потреби на граѓаните.“- напиша Јовчески на својот ФБ профил
“Oваа нова социјална услуга, наменета за постарите лица, ќе донесе позитивни придобивки за здраво и пристојно стареење, а воедно и ќе го зајакне партнерството меѓу институциите и граѓанските организации со заедничка цел – позитивни промени и добробит во заедницата.” – велат од Здружението Центар за развој и едукација – Прилеп кои се инициатори на проектот и веќе неколку години активно работата на подобрување на социјалните услуги наменети за постарите лица.
Проектот чини 2.016.590 денари од кои: 170.456 денари ги обезбедува Општината Прилеп, а 426.600 денари ги обезбедува давателот на услугата, во согласност со трошоците за набавка на стоки, опрема и услуги, предвидени во поднесениот проект.