Вечерва целосно настанува затемнување на Месечината – познато и како „крвава Месечина“, редок астрономски феномен . Настанот е видлив со голо око ( фотографии од Прилеп, каде црвената нијанса околу месечината започнува, поглед од Битола – снимено од колегите од АПЛА и од – Грција)
Месечината е со впечатлива црвеникава нијанса како резултат на преклопувњет на сончевата светлина низ атмосферата на Земјата.
Феноменот се случува кога Сонцето, Земјата и Месечината ќе се усогласат во права линија, при што нашиот природен сателит минува низ најтемниот дел од сенката на Земјата – умбрата. Тогаш неговата површина добива темноцрвен тон, што ја создава уникатната појава „крвава Месечина“.
Затемнувањето ќе трае околу еден час, а највпечатливо ќе биде во периодот кога Месечината е во својата полна фаза.