Денот на независноста, 34 години независност на суверена и самостојна Македонија, денеска беше одбележан во Прилеп.
По тој повод, делегации од локалната самоуправа, Сојузот на борците, институции и политички партии се поклонија и положија свежи цвеќиња пред споменикот на првиот претседател на Президиумот на АСНОМ, Методија Андонов Ченто во центарот на Прилеп и пред Могилата на непобедените во паркот на Револуцијата.
Пи оваа прилика градоначалникот на Прилеп, Борче Јовчески пред делегациите меѓудругото посочи:
8 Септември 1991 година е денот кога македонскиот народ едногласно ја изрази својата волја за создавање сопствена, единствена, суверена и независна држава, Република Македонија. 34 години подоцна, со иста гордост и решителност ја чествуваме независноста, продолжувајќи ја идејата и визијата на сите наши херои кои низ историјата придонеле за ова што го имаме денес. Нашата обврска е да го чуваме тој завет и да вложуваме во развојот на нашите општини и на нашата татковина. Прилеп, како град на храброста, историјата и традицијата, сигурен сум дека ќе продолжи да биде двигател на развојот и да придонесува кон посилна, постабилна и поуспешна Република Македонија. Заедно со сите наши сограѓани, со заеднички труд од сите нас, Прилеп ќе продолжи да се гради и развива како модерен и достоинствен град, кој ќе биде пример и гордост за сегашните и идните генерации.,рече тој