Ново музичко издание на хорот при ООУ „Климент Охридски“ – Прилеп, кое со самото појавување предизвика емпатија кај публиката на социјалните мрежи, и со начинот на музичката изведба, и со изборот на песната, со сценариото и креативноста при пренесување на една од најпрепознатливите балади „Признавам“ (позната и како „Признавам, не можам без тебе“).
„Mузиката е јазикот кој сите го разбираат, но македонската песна е онаа што ни ја допира душата! Таму каде што зборовите запираат, музиката почнува да зборува. Честитки до сите млади таленти и уметници кои покажаа дека традицијата не е само минато, туку жива искра што ја грее нашата иднина. Продолжете да творите со срце и да не’ правите горди “ , напиша на својот ФБ профил директорот на ООУ „Климент Охридски“ , Ахил Јаков, кој во секој чекор ја поддржува активноста на училишниот хор под водство на менторот, професор Маја Џопа.
Музика на оваа изведба е на Бојан Митрески, прилепскта групата „Тајфата“ ги следи хоровите со музика, а спотот го изработи Фан продукција – Пилата.