Ќе се реконструира полетиштето за параглајдерство на Мечкин Камен

Од Елизабета Филипоска На 20/12/2019

Општина Крушево ќе го реконструира полетиште за параглајдерство на Мечкин Камен и ќе изгради објект за следење на натпреварите, канцелариски простор за учесниците и други содржини кои се потребни за овој спорт.

Оваа барањето, на општина Крушево, за изградба на дел од инфраструктура на полетиште за параглајдинг го одобри Владата, која одлучи, за проектот на Крушевчани за нова инфраструктура на овој простор, да им оддели 4,2 милиони денари од државниот буџет.

„Со ова Крушево ќе добие нов реконструиран параглајдинг центар на веќе постојното полетиште на Мечкин Камен и контролна кула за следење на натпреварите за параглајдерство и змејарство во 2021 година за да бидеме подготвени за светското првенство во змејарство и за многу други меѓународни натпревари кои ќе следат“- изјави градоначалникот на општина Крушево, Томе Христоски

крушево параглајдер