За дa не замрзнат цевките се троши вода како да е лето

Екстремно ниските температури кои деновиве го зафатија Прилеп , ја зголеми дневната потрошувачка на вода за 100/120 л/с, па ЈКП Водовод и Канализација апелира граѓаните порационално да ја трошат водата и да не ги остваат деноноќно чешмите да течат, туку да ги заштитат и по можност да ја контролираат потрошувачката за да не се нарушува дистрибуцијата на вода.

Граѓаните денови поради ниските температури кои изнесуваа и  – 20, често ги оставаат чешмите да течат за да  не замрзнат водоводните цевки и да им  направат штети во домовите и работните места. Но, тоа ја зголеми потрошувачката и проблемот со водоснабдувањето.

„Споредбено во нормални услови ,кога градот места троши 220/240 л/с вода моментално Прилеп троши 350 л/с.до 370 л/вода во сек.од кои 190 л/с доаѓаат од Студенчица, дел од бунарите и дел од сопствените извори, но нема криза во водоснабдувањето на градот и населените места “ – потенцира директорот на ЈКП Водовод и Канализација Прилеп, Емил Јанески

кој, потврди дека дефекти имало за време на празниците, но водоснабдувањето сега е нормализирано и покрај намалената  издашноста на изворот „Студенчица“

„За време на празниците два/три часа дел од градот намаше вода ,во саботата, имавме проблеми со дефекти во цевководната мрежа и со регулационите шахти, поради ниските температури ,но тоа  целосно е санирано. По два дена прекин, од вчера има вода и во колективните згради кај прилепската касарна.Од регионалниот водовод „Студенчица” стигнуваат променливи количества вода, од 180 до 210 литри вода во секунда, дополнително, постојано се вклучени 6 бунари, а седмиот бунар се вклучува повремено, во зависност од потребите.“-вели Јанески

             Водоснабдувањето во населени места

Регулирано е и воодоснабдувањето во населните места

„За празниците имавме проблеми во дел од населените места, Веселчани и Загорани поради прекин со напојувањето со електрична енергија, имаше проблеми  со бунарот кој со вода ги снабдува ови селата. А поради заробен воздух во водоводната мрежа од стариот селски бунар, кои функционирал години наназад, во с. Мало Коњари, спроведовме нова мрежа, и во моментов, селото се снабдува со вода од градски бунар„ – истакна Емил Јанески

Од ЈКП „Водовод и канализација“ велат дека , вода има во доволни количини и покрај зголемената потрошувачка.А, во случај на дефекти или проблеми со водоснабдувањето  граѓаните можат да пријават на дежурните тел. 048/421 775 или 08048000