Шест девојки во Прилеп ќе се фрлаат по Светиот крст од пријавени над 110 лица

Над 110 лица се пријавени за учество во традиционалното фрлање на Светиот  крст во водите во отворениот базен од Хотел „Салида“ во Прилеп ,  на 19 јануари на Богојавление – Водици, информираат од Прилепско намесништво од Преспанско – Пелагониска Православна Епархија.

Меѓу пријавените засега  има и 6 девојки, кои ќе учествуваат заедно со момците  да го фатат Светиот крст. Пријавувањето ,како и секоја година се одржува на 9 јануари, на трет ден Божиќ,а интересот секоја година е се поголем

Кандидатите најпрво треба да се крстени и потребно е да имаатт  бесплатен лекарски преглед, како услов за пријавување за фаќање на Светиот крст, информираат од Прилепско намесништво

Фрлањето на  крстот во водите на базенот „Салида“ во Прилеп ќе се изврши во 11 часот, на 19 јануари.

Претходно, во православните црвки во Прилеп ќе се служи богослужба и традиоцнално, рано утрото, ќе се летаат гулаби како симболи на појавување  на светиот дух.

Празникот Водици се слави од вториот век и е поврзан со крштевањето на Исус Христос во водите на реката Јордан од страна на свети Јован, кој оттогаш се нарекува Крстител. Овој празник се нарекува уште и Водици, заради големиот водосвет што го извршува црквата на овој ден. Се верува дека тој што ќе го фати крстот ќе го следи благослов и среќа преку цела година.