Младинскиот театарски центар „Зона“ ќе дебитира пред прилепската публика со татарската претстава „Чернодрински се враќа дома“ по текст на Горан Стефаноски. Премиерата на средношколската група МТЦ „Зона“ е закажана за 22.5.2024, среда, од 20.00 часот на сцената на НТ „Војдан Чернодрински„ – Прилеп, а репризата наредниот ден, четврток, 23.5.2024 од 20.00 часот.
Главните актери, членовите на Младинскиот театарски центар “Зона”, претствата ја подготвуваа макотрпно неколку месеци. Таа за сите нив преставува предизвик и се очекува да се создаде нова културна театарска сцена во Прилеп, што публиката ќе ја препознае и поддржи , со што би се збогатил татарскиот живот во Прилеп.
„Чернодрински се враќа дома“ на МТЦ „Зона“ чии ментори се Даниела Иваноска, Марија Спиркоска Илијеска, Мартин Наумоски и Кирил Петрески ќе биде ново освежување за љубителите на татарската уметност. Во претставата играат: Филип Стојаноски, Вања Младеноски, Андреј Димитриоски, Стефан Петрески , Горјан Ристески, Ангела Чупетреска, Марија Јованоска, Матеја Илијеска, Искра Спиркоска, Марија Јовеска, Сара Атанасоска, Илина Радеска, Евгенија Димитриоска и Дора Иваноска.
По прилепското претставување, екипата заминува на гостување во Кочани на престојниот фестивал ДАФ Кочани на 25.5.2024, сабота,
Влезниците за премиерата се распродадени, но можност е да се резервираат билети за првата реприза.