Насмеани детски лица , задоволни родители , полна сала , вака стартувше третото издание на театарскиот фестивал за деца Силјан Штркот. Со претставата „Шумска болница“ на народниот театар „Јордан Хаџиконстантинов – Џинот“ започна ова несекојдневно уживање во градот под Марковите Кули. Атмосфера , која на едно место собра толку многу дечиња кои со нетрпение го очекуваа излегувањето на нивните ликови на сцената , мачето, зајакот , пајките , мечката …а секако и Силјан Штркот ( актерот Илија Волчески) кој ги поздрави присутните на отворањето на фестивалот.
За време на фестивалските денови публиката ќе може да ја проследи и претставата Трнорушка , утре од 12 часот на театарот “Трајко Прокопиев ” од Куманово како и претставата Чунгаловски Пепелашка и Принцот Тортичка од 15 часот на театарот “Ацо Шопов” од Штип.
На овогодинешното издание на фестивалот Силјан Штркот ќе биде промовирана и книгата “Ана и нејзиниот велосипед го спасуваат градот “.