Комисијата за заразни болести на денешната седница донесе заклучоци со кои се прошируваат мерките за заштита од коронавирусот. Таа препорача сите училишта, факултети и градинки да бидат затворени во следните 14 дена.
Исто така препорака е да се забранат сите масовни собири на отворено, а сите спортски настани да бидат без публика.
Сите лица кои доаѓаат од високо и средноризични земји да бидат во самоизолација 14 дена.
Владата на денешната седница треба да ги усвои овие препораки од Комисијата за заразни болести.
Инаку, приватната гимназија „НОВА“ од Скопје од денеска ги пушти децата на распуст до 24 март, а истото важи и за градинката. Како што информираат родителите чии што деца учат таму, наставата ќе се одвива преку интернет.
Децата, учениците и студентите на принуден распуст ?!
