Согласно мерките и препораките на Министерството за здравство, Владата, Групацијата на пазари при Стопанската комора, и градоначалникот на Општина Прилеп, Јавното претпријатие Пазари Прилеп ги информира граѓаните дека на ден 23 март, понеделник, нема да работи.
– Прекинот на работа се должи на спроведување на неопходната мерка за чистење и дезинфекција, како продолжение на активностите кои општината ги презема за сите јавни површини во градот со цел превенција и заштита од ширење на корона вирусот. ЈП Пазари, соопштуваат дека Градскиот пазар во Прилеп ќе биде затворен само на ден 23 ти март, понеделник.
По реализација на дезинфекцијата, од страна на овластени стручни служби, Градскиот пазар во Прилеп , продолжува со работа од 24 март со вообичаено работно време, но со почитување на препораките од министерството за здравство за превенција од ширење на Ковид 19.