Кога се здружат силите, хуманоста е посилна, тоа е пораката од донацијата што денеска ја доби Здружението „Надеж Надеж“. Како резултат на соработката што Радио Пела грижливо ја одржува со своите пријатели и спонзори ВИВА ФАРМ 2005, со аптеки во Прилеп и Кривогаштани, денеска се реализира донација која што ќе помогне во оваа здравствена криза во многу семејства.
Станува збор за околу 1 600 пакетчиња – помошни лековити средства за намалување на болки при мигрена, главоболки, забоболки и мигрена за ублажување на здравствените проблеми.
За распределување на помошта ќе се погрижи Здружението Надеж Надеж кои пак, се познати по своите хуманитарни активности и несебично работат и помагаат онаму каде што треба да се подаде рака во тешките моменти.
Сигурни сме дека секоја помош е добредојдена, а особено кога е подарена од срце.