Со цел навремени информации на земјоделците за состојбата со временските промени, Крушево постави агрометеоролошка станица во околината на компанијата „Еко Шар“ . Со ова станица , велат, познавачите на земјоделијето значително ќе се олесни одгледувањето на земјоделски култури за целиот крушевски регион со навремени и точни информации за сите околности.
Агрометеролошката станица е добиена во рамки на проектот „Одржлив и инклузивен рамномерен развој“ спроведуван од Центарот за развој на пелагониско плански регион, а финансиски поддржан од Министерство за локална самоуправа и Швајцарската агенција за соработка и развој, каде се поставени 11 агрометеоролошки станици во Македонија, меѓу кои и во Крушево.
Градоначалникот на општина Крушево, Томе Христоски му се заблагодари на Центарот за развој на пелагонискиот регион за овој проекит, и останатите релевантни институции, велејќи дека заеднички имплементираните проекти се во насока на подобрување на барањата на конкретни групи на граѓани според потребите кои се манифестираат на терен. „Со оваа агрометеролошка станица земјоделците од овој регион ќе имаат поверодостојни информации за поуспешно одгледување на земјоделски култури.„-нагласи тој !