Велигден е празник со кој се слави воскресението Христово. Затоа, има централно место и е најважен настан во учењето и во животот на светата Црква. Христовата победа над смртта е победа која што Синот Божји ја извојува за целокупното човештво и за сиот свет. Затоа, овој ден треба да се слави и одбележува, исто како што се слави повторното и повторно раѓање на животот.
За Велигден, за вистинските христијански вредности, на кои не учи Велигденскиот празник и воскресението Христово; за Велики Четврток; за симболиката и значењето на велигденското јајце; за важноста на Велики Петок; за денот на Хрстовото воскрение; Како ќе се одвиваат богослужбите во овие денови во црковните храмови (распоредот на богослужбите го имате подолу), а притоа да се почитуваат сите здравствени протоколи, разговараме„ со отец Дејан Секулоски при храмот „Св.Благовештение“ -Прилеп. „Ова година Господ Исус Христос не обдарил со својата милост,а ние самите треба да се запрашаме колкава е нашата одговорност. Во оваа пандемија, треба да ги почитуваме здравствените протоколи, да празнуваме достоинствено и да го сочуваме нашето здравје и здравјето на ближните. „ потенцира отец Секулоски.
