Од утринава не функционира железничкиот премин на улицата „Леце Котески“ во непосредна близина на главната железничка станица во Прилеп. Рампата е спуштена, а поставени се попречно големи цементни блокови.
Јасно е според сообраќајните знаци дека преминот е во прекин, но како и претходната реконструкција и оваа ќе помине без никаква информација и претходно предупредување за учесниците во сообраќајот.
Неодамна, беше реконстриран и железничкиот премин во населбата Сточен пазар. И двата премини беа во очајно руинирана состојба.
Инаку, железничкиот сообраќај е во прекин поради бојкот на машинскиот персонал во ММЖ транспорт. Причината е неисплатен втор дел од септемвриската плата, а во целосен прекин се товарниот и патничкиот железнички сообраќај.
