Пронајдено е телото на исчезнатото лице од Прилеп, за кое беше пријаено дека се одалечил од домот на стартот на новата година. Имено вчера ( 13.01.2022) во ОВР Прилеп, лицето Ј.С. пријавил дека на место викано „Мало Воденик“, на патот кон с.Волково, прилепско, пронајдено e починато лице.
Полициски службеници излегле на лице место и констатирале дека станува збор за лицето С.Ј.(92) од Прилеп, за кого на 02.01.2022 било пријавено дека се оддалечил од домот. Смрт констатирал лекар од Итна медицинска помош, увид извршила екипа на ОВР Прилеп, а од страна на Јавен обвинител е наредена обдукција.