11.1 C
Прилеп
недела, 27 април, 2025
Пела Радио

Агро-бизнис комората избра нов претседател

Горан Ѓорѓиевски е нов претседател на Агро-бизнис комората при Сојузот на стопански комори на Македонија, кој беше избран на седница на Собрание. Ѓорѓиевски кој по професија е машински инженер е сопствени на познатиот бренд „Специјал“, кој на пазарот има 24 годишна традиција и ангажира повеќе од 200 вработени.

Ѓорѓиевски истакна дека меѓу приоритетите на кои ќе работи и за кои ќе се залага е да се обезбеди сигурност на пласман на земјоделски производи по реални цени, да се направи окрупнување на земјишни парцели, зголемување на приносите, партнерска соработка и зголемување на конкурентноста на земјоделските производи.

„ Земјоделството е една од најважните стопански гранки во нашата држава која има голем потенцијал да придонесе за раст и развој на целокупната економија во пост- пандемискиот период. За да се постигне тоа неопходно е да се променат унапредат условите во кои се работи сега преку иновации, дигитализација, следење на современите трендови. За земјоделците е потребно да се обезбеди и помош и стручни совети за купување земјоделска механизација и друга техничка опрема. За да се постигне максимален процент на искористеност потребна е поедноставување на постапките за ИПАРД апликациите. Неопходно е и даночни олеснувања за нафта, семенски материјал и за земјоделска механизација, како и субвенции по килограм произведен производ“ истакна Ѓорѓиевски.

На досегашниот претседател Огнен Оровчанец му беше врачена Благодарница за исклучителниот ангажман во Комората и личниот придонесот кој го дал со цел креирање на подобро деловно окружување за развој на агро-бизнис секторот. На седницата беа избрани и нови членови на органите на управување на Агро-бизнис комората, а за потпретседатели на Комората избрани се г. Ласко Јованов од компанијата Слога Интернационал, г. Илија Јанчев, винарија Венец и г. Марко Кутревски од компанијата Пекабеско.

Би можело да ве интересира

IQOS (ајкос) нов електронски уред за пушачи со модифициран ризик

Елизабета Филипоска

Ковачевски од Прилеп: Успешно се справуваме со инфлацијата и ценовните притисоци, ги зголемивме субвенциите за производство на стратешки култури…

Елизабета Филипоска

Објавен огласот за субвенции на печки на пелети – половина од средствата наменети за ранливи категории на граѓани

Елизабета Филипоска

Порталот ПелаМК користи колачиња за да го подобри вашето искуство. Можете да се откажете во секое време. Прифаќам Повеќе