На петтиот ден од исчезнувањето на 10 годишниот Петар во мариовско, кај селото Врбско, се вклучуваат специјалисти од Дирекцијата за заштита и спасување.
„Од денеска на потрагата по детето Петар Џобоски се приклучи и Дирекцијата за заштита и спасување. Во потрагата се ангажирани седум припадници на ДЗС од кои четири од Тимот за брз одговор за спасување од планини од ПОЗС – Битола, еден припадник од Тимот за спасување од високи објекти од ПОЗС – Прилеп и двајца вработени од Секторот за оператива и логистика“, информираат од дирекцијата.
Министерството за внатрешни работи вчера апелираше поради големиот интерес на граѓани кои сакаат да се вклучат во потрагата, а со цел подобра координација, да се јават на телефонскиот број на дежурната служба во с. Витолиште 071 268-594.
За жал, сеуште нема никаква трага за малиот Петар Џобоски.