Непосредно пред одржувањето на 81 вата пленарна седница на македонското собрание денеска, на својот фејсбук профил прилепскиот пратеник Миле Талевски јавно ги објави заклучоците по кои пратениците треба да се произнесат во врска со „францускиот предлог“.
„Еве ги заклучоците кои ние како народни пратеници треба да ги донесеме. Нека најдат тука барем една буква со која се загрозени македонските позиции.
Сите оние кои деновиве шират масовна хистерија против ЕУ, дека со францускиот предлог се вршела бугаризација, треба да се засрамат.
Велиме НЕ на центрите кои поттикнуваат дестабилизација и конфликти во државата!
ДА за ЕУ како Македонци со официјален македонски јазик во Унијата!“, напиша Талевски на ФБ.
