Во рамките на активностите на „Европската недела на мобилност„ (European mobility week) вечерва (20.09 2021) се одржа ноќна рекреативна трка „Прилеп трча” во должина од 5 километри. На трката учество зедоа 70-тина љубители на маратонското трчање.
Кирил Велкоски со 70 години беше најстариот учесник, а најмалиот имаше осум години. Победник на годиашната трка „Прилеп трча” Виктор Вељаноски, кој е чест учесник на мартонските трки низ земјава.
Трката се одржа во организација АОК Златоврв – Прилеп со поддршка на Општина Прилеп. Градночалникот на Прилеп, Борче Јовчески пред стартот ги поздрави натпреварувачите и им посака успешана трка, потсетувајќи на важноста на рекреативното спортување.
Целта на Европската недела на мобилност е да се подгине свеста кај граѓаните за важноста од примената на здрави физички навики и спортување и зачувување на животната средина.