16.7 C
Прилеп
недела, 27 април, 2025
Пела Радио

„Star Wars & Makedonium“ со Зоран Кардула во Прилеп !!!

Вечер на елегантни цивилизирани креативни решенија, инспирирани од повеќедецениска сага „Војна на ѕвездите“ ќе се одржи во ЦСЛУ Прилеп со македонскиот графички дизајнер и сликар Зоран Кардула преку изложбата „Star Wars & Makedonium“ в понеделник со почеток во 20 часот.
Адмирал Акбар, овој пат не е во право, ова не е стапица и империјата навистина го возвраќа ударот, бидејќи силата е во слогата на локалната заедница. Центарот за современа ликовна уметност и заедницата ве покануваат на вечер на владеење на славниот витез Зоран Кардула и неговите елегантни цивилизирани креативни решенија, зачнати во култната и за многумина, омилена повеќедецениска сага „Војна на ѕвездите“.
Интерактивната трансформација, воедно е и музичка инспирација, а ќе има и интергалактичка дискусија и мини-гастрономска модификација во просториите на ЦСЛУ-Прилеп. За силата да остане со нас, освен ЦСЛУ-Прилеп и витезот Кардула, ќе се потрудат и Orengs со холограмите, Александар Џинго, Звонко Димоски, дуото ВолЧело, Трет Сектор и бродовите на Бавчика.
Ве покануваме да се појавите со вашите омилени ѕвездено-воени реквизити и модни додатоци, да ги споделите вашите омилени ликови и фрази, а сите витези да се појават со своите светлечки мечеви, посочува организаторот на оваа уникатна интеркултурна, музичка и гастрономска дружба .

Би можело да ве интересира

„ВИЗИИ-Глава полна со луѓе“ изложбата со дела од доајенот на  македонското сликарство, Родољуб Анастасов

Пела Редакција

Рефокусираните мистерии на Дарио Фо, како лесно гледливи и гротескни лакрдии на Цветановски во Прилепскиот Театар

Пела Редакција

Прилепскиот уметник Марјан Стојаноски со самостојна изложба во Тирана

Пела Редакција

Порталот ПелаМК користи колачиња за да го подобри вашето искуство. Можете да се откажете во секое време. Прифаќам Повеќе